இதுவரை நியமனக்கடிதங்கள் வழங்கப்படாத அனைவரும் 15ம் திகதிக்கு முன்னர் நியமனக்கடிதங்கள் வழங்கப்படும் என்று ஒன்றிணைந்த சேவைகள் பணிப்பாளர் நாயகம் உறுதியளித்துள்ளார் என்று அபிவிருத்தி அதிகாரிகள் சங்கம் தெரிவித்துள்ளது.

 வேலையற்ற பட்டதாரிகள், டிப்ளோமாதாரிகளுக்கு நியமனம் வழங்கும் திட்டம் 2020 இன் கீழ் சேவையில் இணைக்கப்பட்ட பட்டதாரிகளுக்கான சம்பளம் மற்றும் பயிற்சிக்கான கொடுப்பனவு 03.01.2022 வௌியிடப்பட்ட அறிக்கைக்கமைய வழங்கப்படும் என்று பொது சேவைகள், மாகாணசபைகள் மற்றும் உள்ளூராட்சி சபைகள் அமைச்சு தெரிவித்துள்ளது.

 பணிப்பகிஷ்கரிப்பு மேற்கொள்ளும் உரிமையை அரசியல் யாப்பில் தடை செய்யவேண்டும் என்ற நீதியமைச்சர் அலி சப்ரி தெரிவித்த கருத்துக்கு 'பொதுச்சொத்துக்கள் மற்றும் மனித உரிமைகள் பாதுகாப்பு மத்திய நிலையம் வன்மையாக கண்டித்துள்ளது.

தமது கோரிக்கைகளுக்கு உரிய தீர்வு எட்டப்படும் வரை போராட்டத்தை கைவிடப்போவதில்லை என்று அரச தாதியர் சங்கம் தெரிவித்துள்ளது.

நாட்டில் ஒமிக்ரோன் வைரஸ் வேகமாக பதவி வருவதன் காரணமாக கர்ப்பிணிப் பெண்கள் மற்றும் விசேட அவசியம் உடையவர்கள் ஆகியோரை சேவைக்கு அழைப்பதற்கு வழங்கப்பட்டிருந்த சலுகையை மீண்டும் வழங்குமாறு அபிவிருத்தி உத்தியோகஸ்த்தர்கள் சேவை சங்கம் வேண்டுகோள் விடுத்துள்ளது.

மத்திய மாகாண ஆசிரியர் உதவியாளர்களின் பிரச்சினைக்கு ஒரு வாரத்திற்குள் தீர்வு வழங்குவதாக அரசாங்க தரப்பினர் அறிவித்திருந்த போதிலும், இதுவரையில் எந்தவொரு நடவடிக்கையும் எடுக்கவில்லை என இலங்கை ஆசிரியர் சங்கம் குற்றம் சுமத்தியுள்ளது.

தேசிய பாடசாலைகளுக்கான அதிபர் நியமனத்தின் போது அழுத்தங்கள் பிரயோகிக்கப்பட்டுள்ளனவா என்பது தொடர்பில் ஆராயுமாறு ஜனாதிபதி ஆலோசனை வழங்கியுள்ளார்.

பிரிவெனா ஆசிரியர்களுக்கு விடுமுறை வழங்காதிருக்க மேற்கொண்ட தீர்மானத்திற்கு எதிர்ப்பு தெரிவிக்கும் வகையில் இன்று (07) கல்வியமைச்சின் முன்பாக பாரிய ஆர்ப்பாட்டமொன்று முன்னெடுக்கப்பட்டது.

அரச சுகாதார ஊழியர்கள் நாளை (07) காலை 7.00 மணி தொடக்கம் பணிப்பகிஷ்கரிப்பு போராட்டத்தை ஆரம்பிக்கவுள்ளதாக அறிவித்துள்ளனர்.

வாரத்திற்கு மூன்று நாட்கள் மாத்திரமே வேலை வழங்குவதால் தாம் கடுமையாக பாதிக்கப்படுவதாக சுட்டிக்காட்டி பசறை யூரி தோட்ட காரியாலய பிரிவு தொழிலாளர்கள் பணிபகிஷ்கரிப்பில் ஈடுப்பட்டுள்ளனர்.

இதுவரை ஒன்றிணைந்த சேவை மற்றும் மாகாண சேவைகளுக்கு அபிவிருத்தி அதிகாரிகளாக இதுவரை நியமனம் வழங்கப்படாத பட்டதாரிகளுக்கு நியமனக் கடிதங்கள் அனுப்பும் நடவடிக்கை ஆரம்பமாகியுள்ளது என பொது சேவைகள், மாகாணசபைகள் மற்றும் உள்ளூராட்சி சபைகள் அமைச்சு அறிவித்துள்ளது.

அபிவிருத்தி உத்தியோகத்தர்கள் எதிர்ப்பு நாளை (07) தொடக்கம் எதிர்ப்பு நடவடிக்கையில் ஈடுபட தீர்மானித்துள்ளதாக ஒன்றிணைந்த பட்டதாரிகள் மத்திய நிலையம் தீர்மானித்துள்ளதாக இன்று வௌியிட்டுள்ள அறிக்கையில் குறிப்பிட்டுள்ளது.