வயது எல்லை காரணமாக அநீதிக்குள்ளான வேலையற்ற பட்டதாரிகள் இன்று (03) கொழும்பு கோட்டை ரயில் நிலையம் முன்னால் போராட்டம் நடத்தினர்.

பாடசாலைகளில் நிலவும் ஆசிரியர் பற்றாக்குறையை நிவர்த்தி செய்வதற்கு உடனடியாக நடவடிக்கை எடுக்குமாறு ஜனாதிபதி கோட்டாபய ராஜபக்‌ஷ தெரிவித்துள்ளார்.

பெருந்தோட்டப்பகுதிகளில் பணியாற்றும் துரைமார் உட்பட தோட்ட அதிகாரிகளின் பாதுகாப்பை உறுதிப்படுத்துமாறு வலியுறுத்தியும், ஹோல்டன் தோட்டத்தில் இடம்பெற்ற சம்பவத்துக்கு கடும் எதிர்ப்பை வெளியிட்டும் அட்டன், மல்லியப்பு சந்தியில் இன்று (03) கவனயீர்ப்பு போராட்டம் முன்னெடுக்கப்பட்டது.

பெருந்தோட்டத் தொழிலாளர்களுக்கு 1,000 ரூபா சம்பள அதிகரிப்பு விடயத்தில், வர்த்தமானி வரும்வரையில் காத்திருப்போம் என பெருந்தோட்ட நிறுவனங்களின் சம்மேளனம் தெரிவித்துள்ளது.

நோர்வூட் பிரதேச சபைக்குட்பட்ட நோர்வூட் தென்மதுரை தோட்டத்தில் காணப்படும் பாவனையில் இல்லாத தேயிலை தொழிற்சாலையின் தகரம், இரும்பு மற்றும் ஏனைய பொருட்களை அகற்றவதற்கு முகாமைத்துவம் நேற்று (26) முற்பட்டதால் அவ்விடத்தில் அமைதியின்மை ஏற்பட்டது.

பெருந்தோட்டத் தொழிலாளர்களின் நாளாந்த வேதனத்தை 1,000 ரூபாவாக அதிகரிக்கும் வர்த்தமானி அறிவித்தல் 2, 3 நாட்களில் வெளியாகும் என தொழில் அமைச்சர் நிமல் சிறிபால டி சில்வா தெரிவித்துள்ளார்.

கொழும்பில் இன்று (2) இடம்பெற்ற செய்தியாளர் சந்திப்பில் கலந்து கொண்டு கருத்து வெளியிட்ட போதே அவர் இதனை குறிப்பிட்டுள்ளார்.

தொழில் ஆணையாளர் நாயகத்தினால் இன்று கையளிக்கப்பட்ட வேதன நிர்ணய சபையின் தீர்மானம், நியாயமானது என்பதனால், அதனை அங்கீகரித்து, உடனடியாக வர்த்தமானிப்படுத்த தீர்மானித்ததாக தொழில் அமைச்சர் நிமல் சிறிபால டி சில்வா தெரிவித்துள்ளார்.

எதிர்வரும் 2, 3 நாட்களுக்குள் அந்த வர்த்தமானி அறிவித்தல் வெளியாகும். பெருந்தோட்டத் தொழிலாளர்கள் நீண்ட காலமாக எதிர்ப்பார்த்திருந்த ஆயிரம் ரூபா வேதனத்தை அன்று முதல் கட்டாயமாக வழங்கவேண்டிய நிலை பெருந்தோட்ட நிறுவனங்களுக்கு ஏற்படும். அவ்வாறு வழங்காவிட்டால், தொழிற்திணைக்களம் சட்ட நடவடிக்கை எடுக்கவேண்டிய கட்டாயத்திற்கு தள்ளப்படும்.

பெருந்தோட்ட தொழிலாளர்களுக்கு முன்னதாக அடிப்படை வேதனமாக 700 ரூபாய் வழங்கப்பட்டது. அத்துடன் மேலதிக கொடுப்பனவாக 50 ரூபாவும், ஊழியர் சேமலாப நிதியம் மற்றும் ஊழியர் நம்பிக்கை நிதி கொடுப்பனவாக 161 ரூபாவும் வழங்கப்பட்டது. இதன்படி நாளாந்த வேதனமாக 911 ரூபாய் வழங்கப்பட்டது. இந்தநிலையில், புதிய தீர்மானத்தின்படி, நாளாந்த வேதனமாக 900 ரூபாவும் பாதீட்டுக் கொடுப்பனவாக 100 ரூபாவும் வழங்கப்படவுள்ளது.

ஊழியர் சேமலாப நிதியம் மற்றும் ஊழியர் நம்பிக்கை நிதி கொடுப்பனவாக 230 ரூபாவை பெருந்தோட்ட நிறுவனங்கள் செலுத்த வேண்டும். இதன்படி, பெருந்தோட்டத் தொழிலாளர்களுக்கு நாளாந்தம் 1,230 ரூபாவாக வேதனம் அதிகரிக்கும். முன்னரை விடவும் நாளாந்தம் 319 ரூபாய் வேதன அதிகரிப்பு ஏற்பட்டுள்ளது. ஒட்டுமொத்த வேதனத்தில் இது 35 வீத அதிகரிப்பாகும் என தொழில் அமைச்சர் நிமல் சிறிபால டி சில்வா தெரிவித்துள்ளார்.

இந்த வேதன அதிகரிப்புடன், அதன் சராசரிக்கு அமைய, பணிக்கொடை கொடுப்பனவு அதிகரிப்பதுடன், மேலதிக கொடுப்பனவு விடுமுறைக் கொடுப்பனவு, மகப்பேற்றுக் கொடுப்பனவு என்பனவும் அதிகரிக்கும்.

"யாழ்ப்பாண மாவட்டத்தில் 14,565 பேர் தொழில்வாய்ப்புக்களை தேடுவதாக புள்ளிவிபரங்கள் குறிப்பிடுகின்றது" என யாழ்ப்பாண மாவட்ட மேலதிக அரசாங்க அதிபர் ம. பிரதீபன் தெரிவித்துள்ளார்.

புதிய அரசியலமைப்பு தொடர்பிலான வரைபில் சுகாதார சேவையை அத்தியவசிய சேவையாக உள்ளடக்குமாறு பிரதமர் மஹிந்த ராஜபக்ஷ ஆலோசனை வழங்கினார்.

பெருந்தோட்ட தொழிலாளர்களுக்கு நாளாந்தம் ஆயிரம் ரூபா அடிப்படை சம்பளம் வழங்க வேண்டும், காணி உரிமை, வீட்டு உரிமை வழங்க வேண்டும் என கோரி தோட்ட தொழிலாளர் மத்திய நிலையம் கொஸ்லந்தை நகரில் இன்று போராட்டத்தை முன்னெடுத்தது.

இதன்போது ஆர்ப்பாட்டத்தில் கலந்து கொண்ட தோட்ட தொழிலாளர் மத்திய நிலையத்தின் செயலாளர் வசந்த அபேகோன், இணை அமைப்பாளர் மார்க்ஸ் பிரபாகர், பொது மக்கள் ஆகியோர் எதிர்ப்பு வாசகங்கள் பொறித்த பதாதைகளை ஏந்தி, கோஷங்கள் எழுப்பி தங்களது எதிர்ப்பினை வெளிப்படுத்தினர்.

நியாயமான சம்பளத்தையும் இந்த அரசாங்கம் வழங்க வேண்டும், ஏனைய மக்களை போல சுதந்திரமாக வாழ வழி செய்ய வேண்டும், காணி உரிமை, வீட்டு உரிமை, சுகாதாரம், கல்விக்கான வளங்கள், முகவரிகளை பெற்றுக்கொடுத்தல் போன்ற கோரிக்கைகளை எழுப்பியினர்.

இன்று முதல் அமுலாகும் வகையில், கம்பஹா மாவட்டத்தில் தடுப்பூசி செலுத்தும் பணிகளில் இருந்து விலகுவதற்கு கம்பஹா மாவட்ட பொது சுகாதார பரிசோதகர்கள் சங்கம் தீர்மானித்துள்ளது.