தேசிய மற்றும் மாகாண பாடசாலைகளில் சேவையில் உள்ள அபிவிருத்தி உத்தியோகத்தர்கள் மற்றும் MN-04 சம்பள தரத்திலுள்ள பட்டதாரிகளை ஆசிரியர் சேவையில் இணைப்பதற்கான போட்டிப்பரீட்சைக்கு விண்ணப்பிப்பதற்கான தகமையில் வயதெல்லையை குறிப்பிட வேண்டாம் என்று கல்வியமைச்சின் செயலாளருக்கு கடிதம் அனுப்பப்பட்டுள்ளது.

அபிவிருத்தி உத்தியோகஸ்த்தர்கள் சேவை சங்கத்தின் பிரதான செயலாளர் சந்தன சூரியாராச்சியின் கையெழுத்துடன் கல்வியமைச்சின் செயலாளருக்கு நேற்று (10) இக்கடிதம் அனுப்பப்பட்டுள்ளது.

அக்கடிதத்தில் மேலும் குறிப்பிடப்பட்டுள்ளதாவது,

கடந்த மார்ச் மாதம் 3ம் திகதி அமைச்சின் செயலாளர் என்ற வகையில் நீங்கள் உட்பட அதிகாரிகளுடன் மேற்கொள்ளப்பட்ட கலந்துரையாடலில் தேசிய மற்றும் மாகாண பாடசாலைகளில் பணியாற்றும் அபிவிருத்தி உத்தியோகத்தர்கள் மற்றும் MN-04 சம்பள தரத்தில் பணியாற்றும் பட்டதாரிகளை ஆசிரியர் சேவை விதிமுறைகளுக்கமைய சேவையில் இணைப்பது தொடர்பில் கலந்துரையாடப்பட்டு, இணக்கப்பாடு எட்டப்பட்டதுடன் பின்னர் கடிதம் மூலமாகவும் தெரியப்படுத்தினோம் என்பதை முதலில் சுட்டிக்காட்ட விரும்புகிறோம்.

மேற்படி விடயத்துக்கமைய, பொது சேவைகள் ஆணைக்குழுவின் இணக்கப்பாட்டுக்கு பின்னர் வர்த்தமானி அறிவித்தல் வௌியிட தயாராகி வருவதாகவும் அவ்வர்த்தமானி அறிவித்தலுக்கமைய விண்ணப்பிப்பதற்கான ஆகக்கூடிய வயதெல்லை 45 என்றும் தெரிவிக்கப்படுகிறது. அவ்வாறு வகைப்படுத்தப்படுமாயின் பாடசாலைகளில் பணியாற்றும் பட்டதாரிகளுக்கு பாரிய அநீதி இழைக்கப்படுவதாகவும் என்பதை சுட்டிக்காட்ட விரும்புகிறோம்.

அதற்கமைய, குறித்த வாய்ப்புக்கு விண்ணப்பிக்க தகுதியானவர்கள் தற்போது பொது சேவையில் இணைக்கப்பட்டுள்ளவர்கள் என்றவகையில் அரசின் ஏனைய மூடிய பரீட்சையில் வயதெல்லை கவனத்திற்கொள்ளப்படாதது என்ற நிபந்தனையை வர்த்தமானி அறிவித்தலில் உள்ளடக்கி அனைவருக்கும் நியாயமான வாய்ப்பை வழங்குமாறு வர்த்தமானி அறிவித்தலை வௌியிடுமாறு தாழ்மையுடன் கேட்டுக்கொள்கிறோம்.

மேலும், இக்கோரிக்கை தொடர்பில் கலந்துரையாடுவதற்கான நேரம், திகதியை ஒதுக்கித் தருமாறும் அக்கடிதத்தில் குறிப்பிடப்பட்டுள்ளது.

நாடு தற்போது சந்தித்திருக்கும் மிக நெருக்கடியான கொவிட் தொற்றுநோய் பரவல் காலகட்டத்தில் - தொற்றுப் பரவலை கட்டுப்படுத்தும் ஒரு பாதுகாப்புச் செயற்பாடாக, நாட்டின் பாடசாலைகள் அனைத்தும் மூடப்பட்டு உள்ளன.

ஓய்வுபெற்ற தாதியர்களை தேவைக்கேற்ப ஒப்பந்த அடிப்படையில் மீண்டும் சேவையில் இணைத்து கொள்ளுமாறு  பிரதமர் மஹிந்த ராஜபக்ஷ, இன்று (09) அலரி மாளிகையில் சுகாதார அமைச்சர் பவித்ரா வன்னிஆராச்சிக்கு ஆலோசனை வழங்கினார்.

கிளிநொச்சியில் இயங்கிவரும் ஆடைத் தொழிற்சாலையிலிருந்து தொற்று பரவலை கட்டுப்படுத்த இருவேறு வழக்குகள் தொடரப்பட்டுள்ள நிலையில், குறித்த இரு வழக்குகளும் எதிர்வரும் 15ம் திகதி விசாரணைகளிற்காக தவணையிடப்பட்டுள்ளது.

பல்கலைக்கழக அனுமதிக்காக விண்ணப்பிப்பதற்கான இறுதி தினம் எதிர்வரும் (ஜூன் மாதம்) 18 ஆம் திகதி வரை நீடிக்கப்பட்டுள்ளதாக பல்கலைக்கழக மானியங்கள் ஆணைக்குழு அறிவித்துள்ளது.

கொரோனா வைரஸ் தொற்று காரணமாக ஒரு வருடத்திற்கும் குறைந்த வயதுடைய குழந்தைகளை உடைய கிராம உத்தியோகத்தர்கள் மற்றும் கிராம உத்தியோகத்தர் பிரிவில் பணியாற்றும் அபிவிருத்தி உத்தியோகத்தர்கள் ஆகியோருக்கு சலுகை வழங்கியமை தொடர்பில் உள்நாட்டு அலுவல்கள் அமைச்சின் செயலாளர் என்.எச்.எம். சித்ராநந்தவிற்கு அபிவிருத்தி உத்தியோகத்தர்கள் சேவை சங்கம் இன்று (09) கடிதமொன்றை அனுப்பியுள்ளது.

நாட்டில் அமுலாகியுள்ள நடமாட்டக் கட்டுப்பாடு எதிர்வரும் 14ஆம் திகதி அதிகாலை 4 மணியுடன் தளர்த்தப்படவுள்ளதாக இராணுவத் தளபதி ஜெனரல் ஷவேந்திர சில்வா தெரிவித்தார்.

தாதியர் பட்டத்தை பெற்றுக்கொடுக்கும் செயற்பாட்டை துரிதப்படுத்துவதற்கு நடவடிக்கை எடுக்குமாறும் பிரதமர் மஹிந்த ராஜபக்ஷ சுகாதார அமைச்சருக்கு தெரிவித்துள்ளார்.

நுவரெலியா பொது வைத்தியசாலையில் கடமையாற்றும் சுகாதார பணியாளர்கள் சில கோரிக்கைகளை முன்வைத்து இன்று (9) புதன்கிழமை அடையாள பணிப்பகிஷ்கரிப்பு போராட்டத்தினை மேற்கொண்டனர்.

வாராந்த கொவிட் 19 தொற்றாளர்களின் எண்ணிக்கை 12 வீதத்தால் அதிகரித்துள்ளதுடன் இறப்பு 28 வீதமாக அதிகரித்துள்ளது என்று விசேட வைத்திய நிபுணர்கள் அமைப்பு (Association of Medical Specialists) சுட்டிக்காட்டியுள்ளது.

காலி மாவட்ட பிராந்திய சுகாதார பணிப்பாளர் மற்றும் தொற்று நோயியல் விஞ்ஞான பிரிவின் பிராந்திய பிரதானி ஆகியோர் இடமாற்றம் செய்யப்பட்டுள்ளனர்.

கடமையில் ஈடுபடாத கிராமசேவையாளர் தொடர்பில் விசாரணை மேற்கொள்ளப்பட்டு ஒழுக்காற்று நடவடிக்கை எடுக்கப்படும் என கரைச்சி பிரதேச செயலாளர் பாலசுந்தரம் ஜெயகரன் தெரிவித்துள்ளார்.