தொழிலாளர்களுக்கு ஜீவன் தொண்டமான் வழங்கிய மேலும் சில வாக்குறுதிகள்

கொட்டகலை சீ.எல்.எவ் வளாகத்தில் இலங்கை தொழிலாளர் காங்கிரஸின் நுவரெலியா மாவட்டத்தின் தோட்ட தலைவர்கள், தலைவிகள் மற்றும் வாலிப காங்கிரஸின் தலைவர்களை, கட்சியின் பொதுச்செயலாளரான, இராஜாங்க அமைச்சர் ஜீவன் தொண்டமான் நேற்றைய தினம் (08) சந்தித்துள்ளார்.

இதன்போது பெருந்தோட்ட தொழிலாளர்களுக்கு நாளாந்த சம்பளமாக 1000 ரூபா அதிகரிப்பை பெற்றுக் கொடுத்ததை போன்று, அவர்களை பொருளாதார ரீதியில் முன்கொணரவும், அவர்களின் தொழிலை கௌரவமிக்க தொழிலாக ஆக்குவதோடு, அவர்களின் குழந்தைகளின் கல்வித்துறை வளர்ச்சிக்கும் இலங்கை தொழிலாளர் காங்கிரஸ் எப்போதும் முன்னின்று செயற்படும் என்று அதன் பொதுச்செயலாளரான, இராஜாங்க அமைச்சர் ஜீவன் தொண்டமான் தெரிவித்துள்ளார்.

இச்சந்திப்பின்போது, நுவரெலியா மாவட்ட நாடாளுமன்ற உறுப்பினர் மருதபாண்டி ராமேஸ்வரன், இ.தொ.கா வின் பிரதி தலைவர் அனுஷியா சிவராஜா மற்றும் இ.தொ.கா வின் உப தலைவர்களான சக்திவேல், கணபதி கனகராஜ், பிலிப்குமார், தேசிய அமைப்பாளர் இராஜதுரை, உட்பட பலர் கலந்துக்கொண்டனர்.