அரச ஊழியர்கள் வௌிநாடு செல்வதற்கு மாத்திரமன்றி உள்நாட்டிலும் வேறு பணிகளில் ஈடுபடுவதற்கும் ஊதியமற்ற 5 வருட விடுமுறை பெற்றுக்கொள்ள முடியும் என்று அரச நிருவாக, உள்நாட்டு அலுவல்கள், மாகாணசபைகள் மற்றும் உள்ளூராட்சிசபைகள் அமைச்சு தெரிவித்துள்ளது.
அரச அதிகாரிகளின் பணிமூப்பு மற்றும் ஓய்வூதியம் என்பவற்றுக்கு எவ்வித பாதிப்பும் இன்றி ஊதியமற்ற ஓய்வு வழங்கப்படும் என்று அமைச்சு வௌியிட்டுள்ள சுற்றுநிருபத்தில் குறிப்பிடப்பட்டுள்ளது.
தகுதிகாண் காலத்திலும் பணியாளர்கள் அல்லாத சேவைகளில் உள்ள அரச அதிகாரிகள் மாத்திரமே இவ்வாறு விடுப்பு எடுக்க முடியும் என சுற்றறிக்கையில் குறிப்பிடப்பட்டுள்ளது.
ஊதியம் இன்றி விடுமுறையில் இருக்கும் அரசு அதிகாரிகள், அரசுப் பணியில் இருந்து விலகுவதற்கான தகுதிகளைப் பூர்த்தி செய்திருந்தால், அவர்கள் அரசுப் பணியில் இருந்து விலக அனுமதிக்கப்படுவார்கள் என்றும் சுற்றறிக்கையில் கூறப்பட்டுள்ளது.
