1,000 ரூபா சம்பள உயர்வுக்கு எதிரான சதிகளை தோற்கடிப்போம் - கொழும்பில் போராட்டம்

பெருந்தோட்டத் தொழிலாளர்களின் 1,000 ரூபாய் நாளாந்த சம்பள அதிகரிப்புக்கு எதிரான சதிகளை தோற்கடிப்போம் என்ற தொனிப்பொருளில் கொழும்பில் இன்று அமைதி போராட்டம் ஒன்று முன்னெடுக்கப்படுகிறது.

தோட்டத் தொழிலாளர் மத்திய நிலையத்தினால், கொழும்பு - புதுக்கடை நீதிமன்ற கட்டடத் தொகுதி வளாகத்தில் இந்தப் போராட்டம் இடம்பெறுகிறது.

சம்பள நிர்ணய சபையின் தீர்மானத்திற்கு அமைய, பெருந்தோட்டத் தொழிலாளர்களுக்கு ஆயிரம் ரூபாய் நாளாந்த சம்பளம் வழங்குவதற்கான வர்த்தமானி அறிவித்தல் வெளியிடப்பட்டுள்ளது.

இந்த வர்த்தமானியை இரத்துச்செய்ய கோரி, பெருந்தோட்ட நிறுவனங்கள் அடிப்படை உரிமை மீறல் மனுவை தாக்கல் செய்துள்ளன. இந்த நிலையில், தோட்டத் தொழிலாளர் மத்திய நிலையத்தினால் அமைதிப் போராட்டம் முன்னெடுக்கப்படுகிறது.